Файлдар каталогы

Батырлар жыры

Fri, 11 Jul 2014 11:47:00 GMT

Кітап туралы мағлұмат:

Құрастырғандар: М.Ғ.Ғұмарова, О.А.Нұрмағамбетова, Т.Сыдықов, Б.Уахатов

Аты: Батырлар жыры
Жанры: Батырлар жыры
Жылы: 1964
Баспасы: Алматы, ""Жазушы""

Кітап сипаттамасы
Оқушы жұртшылыққа ұсынылып отырған осы кітап Қазақ ССР ғылым академиясының М.О.Әуезов атындағы Әдебиет және өнер институтының дайындауымен соңғы жылдары жарыққа шыққан "Батырлар жырының бірінші томы мен екінші томының" жалғасы. Бұл томға бұрын жарық көрмеген "Қарадөң батырдың ұрпақтары" деп аталатын "Сүйінші", "Жұбаныш", "Ер Бегіс", "Көгіс", "Тегіс", "Тама" сияқты батырлар жырларымен қатар, ертеден елге таныс "Мұңлық - Зарлық", "Сейпіл-Мәлік", "Құламерген - Жоямерген" тәрізді лиро-эпостық дастандар енді. "Құбықұл", "Құл мен қыз", "Айдос батыр" жырларымен де оқушы жұртшылық осы кітап арқылы бірінші рет таныс болмақ.

Батырлар жыры. Екінші том

Sun, 25 May 2014 10:21:45 GMT

Кітап туралы мағлұмат:

Құрастырғандар: М.Ғ.Ғұмарова, О.А.Нұрмағамбетова, Б.Уахатов

Аты: Батырлар жыры. 2 том
Жанры: Батырлар жыры
Жылы: 1961
Баспасы: Алматы, "Казгослитиздат"

Кітап сипаттамасы
Оқушы жұртшылыққа ұсынылып отырған осы кітап 1959 жылы шыққан "Батырлар жырының" жалғасы болғандықтан, "Батырлар жырының" екінші томы деп аталды. Кітапқа Ер Қосай, Қарабек, Дотан, Арқалық, Төрехан, Ақжонасұлы ер Кеңес, Манашыұлы Тұяқбай атты жырлар енді, бұл жырлар жайында кітап соңында түсініктер берілді. Аталған жырлар бұрын баспа жүзін көрмегендіктен оқушы жұртшылыққа түсінікті болу үшін кіріспе мақала жазылды.

Ертегілер. 2 том

Fri, 13 Jan 2012 12:38:12 GMT

Кітап туралы мағлұмат:

Авторы: Құрастырып, ғылыми түсініктерін жазғандар: Т.Алпысбаев (жауапты шығарушы). Қ.Қабдолова, М.Шафиғов, С.Шоқпарова.
Аты: Ертегілер. 2 том
Жанры: Қазақ халық ертегілері
Жылы: 1988
Баспасы: Алматы, "Жазушы"

Кітап сипаттамасы
Қазақ халық әдебиеті көп томдығының бұл кітабына қиял-ғажайып ертегілері еніп отыр.

Орыс халық ертегілері

Fri, 13 Jan 2012 11:24:43 GMT

Кітап туралы мағлұмат:

Авторы: Аударғандар: Қанипаш Мәдібаева, Қуанышбай Құрманғалиев
Аты: Орыс халық ертегілері
Жанры: Орыс халық ертегілері
Жылы: 1990
Баспасы: Алматы, "Жалын"

Кітап сипаттамасы
Бұл орыс халық ертегілерінің қазақ тілінде жарық көргелі отырған екінші жинағы. Бірінші жинақ "Зымыран құс" деген атпен 1980 жылы шыққан. Оған негізінен көпшілікке фильмдер арқылы кеңінен танымал ертегілер енсе, мына кітапқа бұрын-соңды қазақ тіліне аударылмаған, оқырмандарымызға беймәлімдеу деген ертегілердің ең қызықтылары топтастырылған. Осындағы ертегілерді балалар қызығып оқыса, оқи отырып ойланса, тағлым алса баспаның үміті ақталғаны дер едік.

Қорқыт ата кітабы

Thu, 29 Dec 2011 10:49:36 GMT

Кітап туралы мағлұмат:

Авторы: Орыс тілінен аударғандар: Ә.Қоңыратбаев, М.Байділдаев
Аты: Қорқыт ата кітабы
Жанры: Оғыздардың батырлық жырлары
Жылы: 1986
Баспасы: Алматы, "Жазушы"

Кітап сипаттамасы
«Қорқыт ата кітабы» — түркі тілдес халықтардың ортақ мұрасы. Көне оғыз-қыпшақтардың мәдени ескерткіші болып табылатын бұл жыр қазақ тіліне алғаш рет аударылып отыр.

Бозінген

Thu, 29 Dec 2011 10:46:22 GMT

Кітап туралы мағлұмат:

Авторы: Құрастырған: Қ.Толыбаев, Қ.Құрманғалиев
Аты: Бозінген
Жанры: Хайуанаттар жайлы қазақтың халық ертегілері
Жылы: 1985
Баспасы: Алматы, Жалын

Кітап сипаттамасы
Бұл жинаққа хайуанаттар жайлы қазақтың халық ертегілері енген.

Қамбар батыр

Thu, 29 Dec 2011 10:42:20 GMT

Кітап туралы мағлұмат:

Авторы: Балаларға лайықтап әңгімелеген ӘЗІЛХАН НҰРШАЙЫҚОВ
Аты: Қамбар батыр
Жанры: Батырлар жыры
Жылы: 1981
Баспасы: Алматы, Жалын

Кітап сипаттамасы
«Қамбар батыр» жыры — ауыз әдебиетіміздің алтын қазынасына қосылған шоқтығы биік шығарма. Халқымыздың ақындық өнерінің үлгісіндей бұл асыл мұраның балаларға лайықтап әңгімеленген осы нұсқасы да оқырмандарын ерлікке, елдікке шақырып, адалдыққа тәрбиелейді.

Ақ ханша

Thu, 29 Dec 2011 10:39:35 GMT

Кітап туралы мағлұмат:

Авторы: МАРИЯ ДЮРИЧКОВА
Орыс тілінен аударған Кәдірбек Сегізбаев
Аты: Ақ ханша
Жанры: Чех ертегісі
Жылы: 1982
Баспасы: Братислава, «Младе лета»

Кітап сипаттамасы
Бұл кітапқа Чехословакияның белгілі балалар жазушысы, ертегіші Мария Дюричкованың таңдаулы ертегілері топталған.

Мюнхаузеннің хикаялары

Thu, 29 Dec 2011 10:10:06 GMT

Кітап туралы мағлұмат:

Авторы: Балаларға өңдеп жазған Корней Чуковский
Аударған Оспанхан Әубәкіров
Суретші Александр Островский
Аты: Мюнхаузеннің хикаялары
Жанры: Неміс ертегісі
Жылы: 1975
Баспасы: Алматы, "Жазушы"

Кітап сипаттамасы
«Мюнхаузен хикаяларына» негіз болып отырған таңғажайып әңгімелер Германияда XVIII ғасыр тұсында өмір сүрген Мюнхаузеннің басынан кешкен оқиғалары десе де болады. Әскери міндетін өтеу себебімен бұ кісі ертеректе біраз уақыт Ресейде болып, түріктерге қарсы соғысқа да қатысқан. Мюнхаузен Германияға қайтып келген соң адам ойына оралмайтын небір ғажайып әңгімелер айтатын тікен тілді әзілкеш ретінде таныла бастайды. Осы хикаяларын өзі қағазға түсірді ме, әлде біреу жазып берді ме, бұл бізге белгісіз. Дегенмен сол әңгімелердің біразы 1781 жылы жарық көріп жұртқа жария болды. Неміс жазушысы Э. Распэ сол әңгімелерді жинап, өңдеп-жөндеп 1785 жылы жеке кітап етіп шығарды. Кейінірек бұл кітапқа басқа жазушылардың Мюнхаузен хикаялары деп жазған таңғажайып әңгімелері келіп қосылды. Алайда кітаптың авторы ретінде Э. Распэнің аты қалды. Бұл шығармада неміс барондары мен помещиктеріне тән әдепсіздік, мәдениетсіздік, өркеуде, мақтаншақтық секілді өрескел мінездер көрсетілген. Осы кітап ел арасында құрметке ие болып кең танылған шақта жұрт өтіріктен аузы кеппейтін суайттарды: «Мынау нағыз барып тұрған Мюнхаузен екен»- деп кекететін болған. Міне, сөйтіп Мюнхаузен есімі халықтың сүйікті кейіпкеріне айналған.

Қаңбақ шал

Wed, 28 Dec 2011 06:03:33 GMT

Кітап туралы мағлұмат:

Авторы: Құрастырған Асылхан Барлыбаев
Аты: Қаңбақ шал
Жанры: Тұрмыс-салт ертегілері
Жылы: 1983
Баспасы: Алматы, "Жалын"

Кітап сипаттамасы
Үстіміздегі жылы халқымыздың қиял-ғажайып ертегілері «Алтын сақа» деген атпен басылып шыққалы жатыр. «Қаңбақ шалға» тұрмыс-салт ертегілері енді. «Жалын» баспасы бұдан былай да қазақтың халық ертегілерін тақырыбына орай топтап шығарып отырмақ.